വയനാട്: തൊണ്ടർനാട് പൊലീസ് സ്റ്റേഷൻ പരിധിയിലെ പെരിഞ്ചേർമല ആദിവാസി കോളനിയിൽ നാലംഗ സായുധ മാവോയിസ്റ്റ് സംഘമെത്തിയതായി കോളനി വാസികൾ. രണ്ട് സ്ത്രീകളും, രണ്ട് പുരുഷൻമാരുമടങ്ങുന്ന സംഘം രാത്രി 8 മണിയോടെയാണ് എത്തിയതെന്ന് കോളനിവാസികൾ പറയുന്നു. കോളനിയിലെ രണ്ട് വീടുകളിൽ കയറിയ മാവോയിസ്റ്റുകൾ മുദ്രാവാക്യം വിളിക്കുകയും ലഘുലേഖകൾ നൽകുകയും ചെയ്തുവെന്നും പരിസരത്തെ ഇലക്ട്രിക് പോസ്റ്റുകളിലും മറ്റും പോസ്റ്ററുകൾ പതിച്ച ശേഷം കാട്ടിലേക്ക് മടങ്ങിയെന്നും കോളനി നിവാസികൾ പറഞ്ഞു.
സർക്കാരിനെതിരെ ലഘുലേഖയുമായി മാവോയിസ്റ്റുകൾ; പൊലീസ് അന്വേഷണം തുടങ്ങി - സർക്കാരിനെതിരെ ലഘുലേഖ
സർക്കാരിനെതിരെ രൂക്ഷ ഭാഷയിലുള്ള വിമർശനങ്ങളാണ് വയനാട് ആദിവാസി കോളനിയിൽ കയറിയ സംഘം വിതരണം ചെയ്ത ലഘുലേഖയിലുള്ളത്
Maoists distributed leaflets in Adivasi colony in wayanad
Also Read: മലിനജല പ്ലാന്‍റ് വാൾവ് തുറന്ന സംഭവം; യൂത്ത് ലീഗ് നേതാവിന്‍റെ ഒത്താശയോടെയെന്ന് ആരോപണം
ജൂലൈ 28, ഓഗസ്റ്റ് 3 എന്നീ ദിവസങ്ങളിലെ രക്തസാക്ഷി വാരാചരണത്തിന്‍റെയും സർക്കാരിനെതിരെ രൂക്ഷ ഭാഷയിലുള്ള പ്രതികരണത്തിന്‍റെയും പോസ്റ്ററുകളാണ് പതിച്ചിരിക്കുന്നത്. സിപിഐ മാവോയിസ്റ്റ് ബാണാസുര ഏരിയ കമ്മിറ്റിയുടെ പേരിലാണ് പോസ്റ്ററുകൾ. പൊലീസിലെ തണ്ടർബോൾട്ട് സംഘം സ്ഥലത്തെത്തി പരിശോധന നടത്തി.
Last Updated : Aug 3, 2021, 4:21 PM IST