മാനന്തവാടിയില്‍ ആടിനെ കൊന്ന് കടുവ, പശുവിനെയും ആക്രമിച്ചു ; 5 കൂടുകള്‍ സ്ഥാപിച്ചിട്ടും ഫലമില്ല

നാട്ടുകാരുടെ നിരന്തര പ്രതിഷേധത്തിനൊടുവില്‍ വനംവകുപ്പ് അഞ്ച് കൂടുകൾ സ്ഥാപിച്ചതെങ്കിലും ഫലം കണ്ടില്ല

വയനാട് :മാനന്തവാടിയില്‍ വീണ്ടും വളര്‍ത്തുമൃഗത്തെ കൊന്ന് കടുവ. പയ്യമ്പിള്ളി പുതുച്ചിറ ജോൺസൻ്റെ ആടിനെയാണ് കടുവ കൊന്നത്. തെനംകുഴി ജിൽസ് എന്നയാളുടെ പശുവിനെ ആക്രമിക്കുകയും ചെയ്‌തു.

ഞായറാഴ്ച രാത്രിയാണ് സംഭവം. നാട്ടുകാരുടെ പ്രക്ഷോഭത്തിനൊടുവില്‍ വനംവകുപ്പ് അഞ്ച് കൂടുകൾ സ്ഥാപിച്ചിരുന്നെങ്കിലും ഫലമുണ്ടായില്ല. മാനന്തവാടി നഗരസഭയിലെ കുറുക്കൻമൂല ഉൾപ്പെടുന്ന നാല് ഡിവിഷനുകളിലെ കുടുംബങ്ങള്‍ കടുവയുടെ ശല്യം കാരണം പൊറുതിമുട്ടിയിരിക്കുകയാണ്.