നിരോധിത പുകയില ഉൽപ്പന്നങ്ങളുമായി രാജസ്ഥാൻ സ്വദേശി പിടിയിൽ

ഹാൻസടക്കം 30 കിലോ നിരോധിത പുകയില ഉൽപ്പന്നങ്ങളാണ് എക്‌സൈസ് സംഘം പിടികൂടിയത്.

വയനാട്: നിരോധിത പുകയില ഉൽപ്പന്നങ്ങളുമായി രാജസ്ഥാൻ സ്വദേശി പിടിയിൽ. ഇയാളിൽ നിന്നും ഹാൻസടക്കം 30 കിലോ നിരോധിത പുകയില ഉൽപ്പന്നങ്ങളാണ് എക്‌സൈസ് സംഘം പിടികൂടിയത്. രാജസ്ഥാൻ സ്വദേശി ലാൽ സിംഗാണ് അറസ്റ്റിലായത്. മുത്തങ്ങ എക്‌സൈസ് ചെക്ക് പോസ്റ്റിൽ നടത്തിയ വാഹന പരിശോധനയിലാണ് കർണാടക സ്‌കാനിയ ബസിൽ നിന്നും ഇയാളെ പിടികൂടിയത്. പാർസൽ കെട്ടുകളായും ബാഗുകളിലുമായാണ് നിരോധിത പുകയില ഉൽപ്പന്നങ്ങൾ ലാൽ സിംഗ് സൂക്ഷിച്ചിരുന്നത്. ഇയാൾക്കെതിരെ കോട്‌പാ ആക്‌ട് പ്രകാരം കേസെടുത്തു. പരിശോധനയ്ക്ക് എക്‌സൈസ് ഇൻസ്‌പെക്‌ടർമാരായ എം കെ. സുനിൽ, മുഹമ്മദ് അബ്‌ദുള്‍ സലിം, പി ഇ.ഒമാരായ ഗോപി, ഷാജി. സി.ഇ.ഒമാരായ രജിത്, ജോഷി തുമ്പാനം എന്നിവർ നേതൃത്വം നൽകി.