വയനാട്: ലോക്ക് ഡൗൺ ഇളവുകൾ വന്നിട്ടും ദുരിതത്തിൽ തന്നെയാണ് സംസ്ഥാനത്തെ പന്നി ഫാം ഉടമകള്‍. പന്നികൾക്ക് ആവശ്യത്തിന് തീറ്റ കിട്ടാത്തതാണ് പ്രധാന പ്രതിസന്ധി. ആറായിരത്തോളം പന്നി ഫാമുകളാണ് സംസ്ഥാനത്തുള്ളത്. 110ഓളം കർഷകരാണ് വയനാട്ടിലുള്ളത്. ലോക്ക് ഡൗണില്‍ ഹോട്ടലുകൾ അടച്ചതോടെ ഇവിടെ നിന്നുമെത്തുന്ന ഭക്ഷണ മാലിന്യങ്ങൾ പന്നികൾക്ക് കിട്ടാതെയായി. പുല്ലും വാഴപ്പിണ്ടിയും വല്ലപ്പോഴും മാത്രം ലഭിക്കുന്ന കോഴിമാലിന്യവുമാണ് ഇപ്പോൾ തീറ്റയായി പന്നികൾക്ക് നൽകുന്നത്. തീറ്റ കുറഞ്ഞതോടെ പന്നികളുടെ ഭാരം കുറഞ്ഞു. കല്യാണ ആഘോഷങ്ങളും മറ്റും ഇല്ലാതായതോടെ പന്നിയിറച്ചിക്ക് ആവശ്യക്കാരും കുറഞ്ഞു.
ലോക്ക് ഡൗണ്‍ ദുരിതം തീരാതെ കര്‍ഷകര്‍; പന്നി ഫാമുകള്‍ പ്രതിസന്ധിയില്‍