വയനാട്: കഴിഞ്ഞ ബജറ്റിൽ പ്രഖ്യാപിച്ച മലബാർ കാപ്പിയും കാർബൺ ന്യൂട്രൽ വയനാട് പദ്ധതിയുമാണ് വയനാട് പാക്കേജിന്‍റെ കേന്ദ്രബിന്ദു എന്നാണ് ഇത്തവണത്തെ ബജറ്റ് പ്രസംഗത്തിലുള്ളത്. എന്നാൽ ഈ പദ്ധതിക്ക് വേണ്ടി ഒരു സെമിനാർ സംഘടിപ്പിക്കുക മാത്രമാണ് ഇതുവരെ ചെയ്‌തിട്ടുള്ളത്. വയനാട്ടിലെ കാപ്പി പൊടി മലബാർ എന്ന പേരിൽ ബ്രാൻഡ് ചെയ്‌ത് വിൽക്കും എന്നായിരുന്നു കഴിഞ്ഞ ബജറ്റിലെ പ്രഖ്യാപനം. ഇതിനായി മൂല്യവർദ്ധിത ഉല്‍പന്നങ്ങളുടെ ഉൽപാദനത്തിനും കാപ്പി സംസ്‌കരണത്തിനും 2019-2020ൽ 150 കോടി രൂപയുടെ മെഗാ പാർക്ക് സ്ഥാപിക്കുമെന്നും ബജറ്റിൽ ഉണ്ടായിരുന്നു. എന്നാൽ ഇതിനുവേണ്ടി തറക്കല്ലിടാൻ പോലും കഴിഞ്ഞില്ല.
കഴിഞ്ഞ ബജറ്റിലെ പദ്ധതികളുടെ ആവര്‍ത്തനമാണ് ഇത്തവണത്തേതെന്ന് ആക്ഷേപവുമായി വയനാട്