വയനാട്: കൊവിഡ് ബാധിച്ച് മരിച്ച മാതാവിൻ്റെ സംസ്‌കാരം നടത്തിയ മകൻ്റെ കട പൊലീസ് അടപ്പിച്ചു. കേണിച്ചിറ സൊസൈറ്റി കവലയിലെ ഹാപ്പി ടൈം മാർട്ട് സൂപ്പർമാർക്കറ്റാണ് പൊലീസ് അടപ്പിച്ചത്. ഉടമ ജലാവുദ്ദീനും ഭാര്യക്കും എതിരെ കേണിച്ചിറ പൊലീസ് കേസ് രജിസ്റ്റർ ചെയ്‌തു.
മെയ്‌ 10ന് ആണ് ജലാവുദ്ദീന്‍റെ മാതാവ് കൊവിഡ് ബാധിച്ച് മരിച്ചത്. സന്നദ്ധ പ്രവർത്തകരാണ് പി.പി.ഇ കിറ്റണിഞ്ഞ് സംസ്‌കാരം നടത്തിയത്. എന്നാൽ അമ്മയുടെ സംസ്കാരച്ചടങ്ങിൽ സുരക്ഷാ ക്രമീകരണങ്ങളില്ലാതെ ജലാവുദ്ദീൻ പങ്കെടുക്കുന്ന വീഡിയോ നാട്ടിൽ പ്രചരിച്ചിരുന്നു. തുടർന്ന് ഇദ്ദേഹവും കുടുംബവും നിരീക്ഷണത്തിൽ പോകാതെ പിറ്റേ ദിവസം മുതൽ കട തുറന്നു. ഇതോടെ നാട്ടുകാർ പരാതിയുമായി പൊലീസിനെ സമീപിക്കുകയായിരുന്നു.