വയനാട്: മൈക്രോ ആര്‍ട്ടായ പെന്‍സില്‍ കാര്‍വിങ്ങില്‍ വയനാട് സ്വദേശിക്ക് ഏഷ്യന്‍ റെക്കോഡ്. ബത്തേരി അല്‍ഫോന്‍സ കോളജിലെ അവസാന വര്‍ഷ ബിരുദ വിദ്യാര്‍ഥിയായ ജിത്തു ചെറിയാനാണ് റെക്കോഡ് സ്വന്തമാക്കിയത്. 48 ഏഷ്യന്‍ രാജ്യങ്ങളുടെയും അവയുടെ തലസ്ഥാനങ്ങളുടെയും പേരുകള്‍ മൈക്രോ ആര്‍ട്ടിലൂടെ പെന്‍സിലില്‍ കൊത്തിയെടുത്താണ് ജിത്തു ഏഷ്യന്‍ ബുക്ക് ഓഫ് റെക്കോഡ് സ്വന്തമാക്കിയത്. ഇതോടൊപ്പം ഇന്ത്യന്‍ ബുക്ക് ഓഫ് റെക്കോഡിലും ജിത്തു ഇടം നേടിയിട്ടുണ്ട്. തന്‍റെ സുഹൃത്ത് ജന്മദിനത്തില്‍ നല്‍കിയ ഒരു മൈക്രോ ആര്‍ട്ടില്‍ നിന്നും പ്രചോദനമുള്‍ക്കൊണ്ടാണ് ജിത്തു ഈ മേഖലയിലേക്ക് തിരിഞ്ഞത്. പെന്‍സില്‍ കാര്‍വിങ് കഠിന പ്രയത്നത്തിലൂടെ സ്വായത്തമാക്കിയ ഈ മിടുക്കന്‍ പതിനാലര മണിക്കൂര്‍ സമയമെടുത്താണ് ഈ സൃഷ്‌ടികൾ തയ്യാറാക്കിയത്.
പെന്‍സില്‍ കാര്‍വിങ്ങില്‍ ഏഷ്യൻ റെക്കോർഡ് സ്വന്തമാക്കി ജിത്തു ചെറിയാൻ