കെ.സുരേന്ദ്രനെതിരെയുള്ള അന്വേഷണം ക്രൈം ബ്രാഞ്ചിന്‌ കൈമാറിയത് സംശയാസ്‌പദം:പി.കെ.നവാസ്

തെളിവുകൾ നശിപ്പിക്കപ്പെടാൻ സാധ്യതയുളളതിനാൽ എത്രയും വേഗം തെളിവുകൾ ശേഖരിക്കുകയും സുരേന്ദ്രനെ അറസ്റ്റ് ചെയ്യുകയും വേണം

വയനാട്‌: കെ.സുരേന്ദ്രനെതിരെയുള്ള കോഴ അന്വേഷണം ക്രൈം ബ്രാഞ്ചിന്‌ കൈമാറിയത് സംശയാസ്പദമെന്ന്‌ എംഎസ്എഫ് സംസ്ഥാന പ്രസിഡന്‍റ്‌ പി.കെ.നവാസ്. അന്വേഷണം വൈകിപ്പിക്കുന്നതിനുള്ള ശ്രമം ആണോ ഇതെന്ന്‌ സംശയിക്കുന്നു. തെളിവുകൾ നശിപ്പിക്കപ്പെടാൻ സാധ്യതയുളളതിനാൽ എത്രയും വേഗം തെളിവുകൾ ശേഖരിക്കുകയും സുരേന്ദ്രനെ അറസ്റ്റ് ചെയ്യുകയും വേണം.

കേസന്വേഷണത്തിലെ ക്രൈബ്രാഞ്ചിന്‍റെ നിലപാടുകൾ നിരീക്ഷിച്ച് അഭിഭാഷകനുമായി അലോചിച്ച് തുടർനടപടികൾ സ്വീകരിക്കുമെന്നും പി.കെ. നവാസ് പറഞ്ഞു.