മേപ്പാടിയിൽ കുളത്തിൽ വീണ കാട്ടാനകളെ രക്ഷപ്പെടുത്തി

കുളത്തിന്‍റെ ഉയരം കുറഞ്ഞ ഭാഗത്തെ മൺതിട്ടയിടിച്ചാണ് ആനകൾക്ക് വഴിയൊരിക്കിയത്.

കൽപ്പറ്റ: വയനാട്ടിലെ മേപ്പാടിയിൽ കുളത്തിൽ വീണ കാട്ടാനകളെ രക്ഷപ്പെടുത്തി. നാലര മണിക്കൂർ നേരത്തെ പരിശ്രമം കൊണ്ടാണ് ആനകളെ കരയ്ക്ക് കയറ്റിയത്. വനം വകുപ്പും പൊലീസ് നാട്ടുകാരും ചേർന്നായിരുന്നു രക്ഷാപ്രവർത്തനം. കുളത്തിന്‍റെ ഉയരം കുറഞ്ഞ ഭാഗത്തെ മൺതിട്ടയിടിച്ചാണ് ആനകൾക്ക് വഴിയൊരിക്കിയത്. മേപ്പാടി കോട്ടനാട് 46 ലെ സ്വകാര്യ എസ്റ്റേറ്റിലെ കുളത്തിലാണ് ആനകൾ വീണത്. കാട്ടുകൊമ്പനും പിടിയാനയുമായിരുന്നു.