ഏഴ് ഗ്രാം എംഡിഎംഎയുമായി അഞ്ച് യുവാക്കൾ പിടിയിൽ

ഏഴ് ഗ്രാം എംഡിഎംഎയാണ് പിടിച്ചെടുത്തത്. അറസ്റ്റ് ചെയ്ത പ്രതികളെ മാനന്തവാടി കോടതിയിൽ ഹാജരാക്കും.

വയനാട്: വയനാട് കാർണാടക അതിർത്തിയിൽ മയക്ക് മരുന്നുമായ് അഞ്ച് യുവാക്കൾ പിടിയിൽ. തോൽപ്പെട്ടി എക്സൈസ് ചെക്ക്പോസ്റ്റിൽ വച്ച് നടത്തിയ വാഹനപരിശോധനയിലാണ് എംഡിഎംമായി പ്രതികൾ പിടിയിലായത്. ഏഴ് ഗ്രാം എംഡിഎംഎയാണ് പിടിച്ചെടുത്തത്.

സംഭവത്തിൽ മലപ്പുറം തിരൂരങ്ങാടി സ്വദേശികളായ ഔഞ്ഞിക്കാടൻ വീട്ടിൽ ഷിബിൻ (20), പറമ്പേരി വീട്ടിൽ നിയാസ് (25),മങ്കട വീട്ടിൽ അജ്മൽ എം(23), അഞ്ചുകണ്ടൻ വീട്ടിൽ അജ്മൽ എകെ (25) തിരുവനന്തപുരം സ്വദേശിയായ തോപ്പിൽവീട്ടിൽ നാദിർഷ.എസ് (27) എന്നിവരാണ് പിടിയിലായത്. മാനന്തവാടി എക്സൈസ് ഇൻസ്പെക്ടർ ഷർഫുദീന്‍റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്ത്. പ്രതികൾ സഞ്ചരിച്ച വാഹനവും പൊലീസ് പിടിച്ചെടുത്തു. അറസ്റ്റ് ചെയ്ത പ്രതികളെ മാനന്തവാടി കോടതിയിൽ ഹാജരാക്കും.