വയനാട് : കൊവിഡ് പരിശോധന സംവിധാനം വിപുലപ്പെടുത്താന്‍ ആര്‍.ടി.പി.സി.ആര്‍, ആര്‍.എന്‍.എ എക്സ്ട്രാക്ടര്‍ മെഷീന്‍ എന്നിവ ജില്ല ഭരണകൂടത്തിന് നല്‍കി, ജില്ലാ പഞ്ചായത്ത്. കലക്ടറേറ്റ് പരിസരത്ത് നടന്ന ലളിതമായ ചടങ്ങില്‍ ജില്ല പഞ്ചായത്ത് പ്രസിഡന്റ് ഷംസാദ് മരയ്ക്കാര്‍, കലക്ടര്‍ ഡോ.അദീല അബ്ദുള്ളയ്ക്ക് മെഷീന്‍ കൈമാറി. 62 ലക്ഷം രൂപ ചെലവിലാണ് ജില്ല പഞ്ചായത്ത് നൂതന പരിശോധന മെഷീനും അനുബന്ധ ഉപകരണങ്ങളും ലഭ്യമാക്കിയത്. കൊവിഡ് രോഗികളുടെ എണ്ണത്തിനനുസരിച്ച് പരിശോധന സൗകര്യങ്ങള്‍ ജില്ലയില്‍ വിപുലപ്പെടുത്തുക എന്നതാണ് ലക്ഷ്യം. പുതിയ മെഷീന്‍ എത്തിയതോടെ പരിശോധന ഫലങ്ങള്‍ വേഗത്തിലാകും.
കൊവിഡ് : ഉപകരണങ്ങള്‍ നല്‍കി വയനാട് ജില്ല പഞ്ചായത്ത്,നീക്കിവച്ചത് 62 ലക്ഷം