വയനാട്: അട്ടപ്പാടിയില്‍ ചരിത്രാവശിഷ്‌ടങ്ങള്‍ കണ്ടെത്തിയ സ്ഥലങ്ങള്‍ പുരാവസ്‌തു വകുപ്പ് സംഘം സന്ദര്‍ശിച്ചു. പര്യവേഷണത്തിനുള്ള പ്രാഥമിക സാഹചര്യ പഠനങ്ങള്‍ക്കായാണ് സംഘം എത്തിയത്. പര്യവേഷണത്തിനുള്ള അനുമതി സെപ്‌റ്റംബറില്‍ ലഭിക്കുമെന്നാണ് പ്രതീക്ഷ.
ഏകദേശം 2000 മുതൽ 3000 വർഷം വരെ പഴക്കമുള്ള ചരിത്രശേഷിപ്പുകളാണ് പ്രദേശത്തുനിന്ന് കണ്ടെത്തിയതെന്നാണ് സംഘത്തിന്റെ വിലയിരുത്തല്‍. ചുണ്ണാമ്പുകല്ല് അരച്ചെടുത്ത് വൻ ചൂടിൽ തയ്യാറാക്കിയ നിറക്കൂട്ടുകളുപയോഗിച്ച് നിര്‍മിച്ച കളിമണ്‍ പാത്രങ്ങള്‍ ഈ പ്രദേശത്തെ മാത്രം പ്രത്യേകതയാണെന്നും അഭിപ്രായപ്പെട്ട ഗവേഷകര്‍ ഇത് മഹാശിലായുഗ സംസ്‌കാരമാണെന്നും ഇരുമ്പ് യുഗത്തിലേതാണെന്നുമാണ് കരുതുന്നത്.
അട്ടപ്പാടിയില്‍ ചരിത്രാവശിഷ്‌ടങ്ങള്‍ കണ്ടെത്തിയ മേഖലകളില്‍ സംസ്ഥാനപുരാവസ്‌തു വകുപ്പ് ഉദ്യോഗസ്ഥര്‍ സന്ദര്‍ശനം നടത്തി