തൃശൂരിൽ സെപ്‌റ്റിക് ടാങ്കിൽ വീണ് കാട്ടാന ചരിഞ്ഞു

തൃശൂർ പോത്തൻചിറയിൽ വനാതിർത്തിയോട് ചേര്‍ന്നുള്ള സ്വകാര്യ പറമ്പിലെ ഉപയോഗശൂന്യമായ സെപ്‌റ്റിക് ടാങ്കിലാണ് ആനയുടെ ജഡം കണ്ടെത്തിയത്.

തൃശൂർ: തൃശൂർ കൊടകര വെള്ളിക്കുളങ്ങരയില്‍ സെപ്‌റ്റിക് ടാങ്കില്‍ വീണ് കാട്ടാന ചരിഞ്ഞ നിലയില്‍. പോത്തൻചിറയിൽ വനാതിർത്തിയോട് ചേര്‍ന്നുള്ള ആൾതാമസമില്ലാത്ത സ്വകാര്യ പറമ്പിലാണ് ആനയുടെ ജഡം കണ്ടെത്തിയത്. പറമ്പിലെ ഉപയോഗശൂന്യമായ സെപ്‌റ്റിക് ടാങ്കിലാണ് ആന വീണത്.

ആനയുടെ തല ഭാഗം സെപ്റ്റിക് ടാങ്കിലേക്ക് കുത്തിവീണ നിലയിലാണ് കണ്ടെത്തിയത്. വനം വകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. ആനയെ ഉയര്‍ത്താനുള്ള നടപടിക്രമങ്ങള്‍ ആരംഭിച്ചതായി ഉദ്യോഗസ്ഥര്‍ പറഞ്ഞു.