'മീശ എഴുത്തുരീതിയെ മാറ്റി' ; വയലാര്‍ പുരസ്‌കാരം ലഭിച്ചതില്‍ സന്തോഷമെന്ന് എസ് ഹരീഷ്

മീശ നോവൽ തന്‍റെ എഴുത്തുരീതിയെ മാറ്റിയെന്ന് വയലാർ പുരസ്‌കാര ജേതാവ് എസ് ഹരീഷ്

തൃശൂർ : മീശ നോവലിന് വയലാര്‍ പുരസ്‌കാരം ലഭിച്ചതില്‍ സന്തോഷമെന്ന് എഴുത്തുകാരൻ എസ് ഹരീഷ്. വിവാദങ്ങള്‍ താത്കാലികമാണ്. പുസ്‌തകം കൂടുതല്‍ കാലം വായിക്കപ്പെടണം എന്നാണ് ആഗ്രഹിക്കുന്നത്. മീശ തന്‍റെ എഴുത്തുരീതിയെ മാറ്റിയിട്ടുണ്ട്.

ഉള്ളില്‍ തട്ടിയുള്ള എഴുത്ത് നമ്മളെ മാറ്റും എന്നതാണ് സത്യം. നല്ലതെന്ന് തോന്നുന്ന കൃതികള്‍ വായനക്കാര്‍ സ്വീകരിക്കും. എഴുതിക്കഴിയുന്നതോടെ, എഴുത്തുകാരന്‍റെ ഉത്തരവാദിത്തം തീരുന്നുവെന്നും ഹരീഷ് തൃശൂരില്‍ പറഞ്ഞു.