തൃശൂര്‍:കൊവിഡ് ക്ലസ്റ്റര്‍ രൂപപ്പെട്ട ഇരിങ്ങാലക്കുട മേഖലയിൽ ട്രിപ്പിൾ ലോക്ക് ഡൗൺ നടപ്പിലാക്കാൻ തീരുമാനിച്ചു. മന്ത്രി എ.സി മൊയ്തീന്‍റെ സാനിധ്യത്തിൽ ചേർന്ന അവലോകന യോഗത്തിലാണ് തീരുമാനം. ഇരിങ്ങാലക്കുട നഗരസഭയിലും, മുരിയാട് പഞ്ചായത്തിലുമാണ് ട്രിപ്പിള്‍ ലോക്ഡൗണ്‍ പ്രഖ്യാപിച്ചത്.
നാളെ മുതലാണ് ലോക്ക് ഡൗൺ പ്രാബല്യത്തിൽ വരിക. തൃശൂര്‍ ജില്ലയിൽ ഇതുവരെയായി ആകെ രോഗം സ്ഥിരീകരിച്ചത് 1024 പേർക്കാണ്. നിലവിൽ ചികിത്സയിലുള്ളത് 416 പേരാണ്. ഏഴായിരത്തോളം ആളുകളെ ചികിത്സിക്കാൻ കഴിയുന്ന ഫസ്റ്റ് ലൈൻ ട്രീറ്റ്മെന്റ് സെന്ററുകൾ ഇതുവരെ ജില്ലയില്‍ കണ്ടെത്തിയിട്ടുണ്ടെന്ന് മന്ത്രി എ.സി മൊയ്‌തീൻ അറിയിച്ചു.
ഇരിങ്ങാലക്കുട മേഖലയിൽ ട്രിപ്പിൾ ലോക് ഡൗൺ പ്രഖ്യാപിച്ചതായി മന്ത്രി എ.സി മൊയ്തീന്‍