തൃശൂര്‍:ട്രെയിനില്‍ അച്ഛനൊപ്പം യാത്ര ചെയ്‌ത 16 കാരിക്ക് നേരെയുണ്ടായ ലൈംഗികാതിക്രമത്തില്‍ റെയിൽവേ ഉദ്യോഗസ്ഥനെതിരെ നടപടി വേണമെന്ന് പെൺകുട്ടിയുടെ അച്ഛൻ. വിഷയം ഇടപ്പള്ളിയിൽ വച്ച് റെയില്‍വേ ഗാർഡിനെ അറിയിച്ചതാണ്. എന്നിട്ടും പൊലീസിനെ വിളിക്കാന്‍ റെയില്‍വേ ഉദ്യോഗസ്ഥന്‍ തയ്യാറായില്ലെന്നും പെണ്‍കുട്ടിയുടെ പിതാവ് പറഞ്ഞു.
ട്രെയിനില്‍ അച്ഛനൊപ്പം യാത്ര ചെയ്‌ത 16 കാരിക്ക് നേരെയുണ്ടായ ലൈംഗികാതിക്രമത്തില്‍ ആരോപണവുമായി അതിജീവിതയുടെ പിതാവ്
''തിങ്കളാഴ്‌ച എറണാകുളം റെയിൽവേ പൊലീസ് മൊഴിയെടുത്ത് മടങ്ങിയിട്ടുണ്ട്. അവർ അയച്ചുതന്ന ചിത്രത്തിലെ രണ്ടുപേരെ തിരിച്ചറിഞ്ഞിട്ടുണ്ട്. പ്രതികളെ ഉടൻ പിടികൂടിയില്ലെങ്കിൽ തൃശൂർ റെയിൽവേ സ്റ്റേഷന് മുന്നിൽ സമരം ചെയ്യുമെന്നും അദ്ദേഹം പറഞ്ഞു. ശനിയാഴ്‌ച രാത്രി 7.50 ന് ഗുരുവായൂർ എക്‌സ്‌പ്രസില്‍ എറണാകുളത്ത് നിന്ന് വരികയായിരുന്ന തൃശൂർ സ്വദേശികൾക്ക് നേരെയാണ് അതിക്രമമുണ്ടായത്.