കുതിരാനില്‍ നാല് ലോറികൾ കൂട്ടിയിടിച്ച് ഒരു മരണം

കണ്ടെയ്‌നർ ലോറിയുടെ ഡ്രൈവറായ കൂത്താട്ടുകുളം സ്വദേശി ജിനീഷാണ് മരിച്ചത്. മൂന്ന് പേർക്ക് പരിക്കേറ്റു.

തൃശൂർ: മണ്ണുത്തി- വടക്കാഞ്ചേരി ദേശീയ പാതയില്‍ കുതിരാനില്‍ നാല് ലോറികൾ കൂട്ടിയിടിച്ച് ഒരാൾ മരിച്ചു. കണ്ടെയ്‌നർ ലോറിയുടെ ഡ്രൈവറായ കൂത്താട്ടുകുളം സ്വദേശി ജിനീഷാണ് മരിച്ചത്. മൂന്ന് പേർക്ക് പരിക്ക്. തുരങ്കത്തിന് സമീപം പുലർച്ചെ 12.30ഓടെയാണ് അപകടമുണ്ടായത്. ഒരു ലോറി മറ്റൊരു ലോറിയെ മറികടക്കാൻ ശ്രമിക്കുന്നതിനിടെയാണ് അപകടമുണ്ടായത്. രണ്ടു ലോറികൾ വഴിയരികിലേക്ക് മറിഞ്ഞു.

മറ്റ് രണ്ട് ലോറികളില്‍ ഒരു ലോറി റോഡിന് കുറുകേയും മറ്റൊരു ലോറി പുതിയ തുരങ്കത്തിലേക്കുള്ള റോഡ് നിർമിച്ചതിന് മുപ്പതടി താഴ്ച്ചയിലേക്കും മറിഞ്ഞു. രണ്ട് യൂണിറ്റ് അഗ്നിരക്ഷാ സേനയെത്തിയാണ് രക്ഷാപ്രവർത്തനം നടത്തിയത്. അപകടത്തെ തുടർന്ന് ദേശീയ പാതയില്‍ വൻ ഗതാഗത കുരുക്ക്. കഴിഞ്ഞ ദിവസം പ്രദേശത്ത് നടന്ന അപകടത്തിൽ തമിഴ്നാട് സ്വദേശിയായ ലോറി ഡ്രൈവർ മരിച്ചതിന് പിന്നാലെയാണ് ഈ അപകടം.