ഏങ്ങണ്ടിയൂരിൽ ക്ഷേത്രക്കുളത്തിൽ കുളിക്കാനിറങ്ങിയ വിദ്യാര്‍ഥി മുങ്ങി മരിച്ചു
പാടൂര്‍ അലീമുല്‍ സ്‌കൂളിലെ പത്താംക്ലാസ് വിദ്യാര്‍ഥിയാണ് മരിച്ച ഹബീബ്
ഏങ്ങണ്ടിയൂരിൽ ക്ഷേത്രക്കുളത്തിൽ കുളിക്കാനിറങ്ങിയ വിദ്യാര്‍ഥി മുങ്ങി മരിച്ചു
തൃശൂർ: ഏങ്ങണ്ടിയൂരിലെ ക്ഷേത്രക്കുളത്തില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. ചേറ്റുവ കടവിന് പടിഞ്ഞാറ് ഇസ്മയില്‍ ഹാജി കോളനിയില്‍ പുതുവീട്ടില്‍ ഹക്കീം-ഷാജിത ദമ്പതികളുടെ ഏകമകന്‍ ഹബീബാണ് (15)മരിച്ചത്. കൂട്ടുകാരോടൊപ്പം ഏങ്ങണ്ടിയൂര്‍ പനയംകുളങ്ങര ക്ഷേത്രക്കുളത്തില്‍ കുളിക്കുന്നതിനിടെയാണ് അപകടം. കൂട്ടുകാരുടെ നിലവിളി കേട്ട് എത്തിയ നാട്ടുകാര്‍ ഹബീബിനെ ഏങ്ങണ്ടിയൂര്‍ എം.ഐ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. പാടൂര്‍ അലീമുല്‍ സ്‌കൂളിലെ പത്താംക്ലാസ് വിദ്യാര്‍ഥിയാണ് ഹബീബ്.