തൃശൂർ: മഞ്ചിക്കണ്ടിയിൽ പൊലീസ് വെടിവെപ്പിൽ കൊല്ലപ്പെട്ട മാവോയിസ്റ്റ് അജിതയുടെ മൃതദേഹം പൊലീസ് സംസ്കരിച്ചു. ഗുരുവായൂർ നഗരസഭയുടെ പൊതുശ്‌മശാനത്തിലാണ് മൃതദേഹം സംസ്കരിച്ചത്. വെടിവെയ്‌പിൽ കൊല്ലപ്പെട്ട നാല് മാവോയിസ്റ്റുകളില്‍ തമിഴ്‌നാട് സ്വദേശികളായ മണിവാസകം, കാർത്തി എന്നിവരുടെ മൃതദേഹങ്ങൾ ബന്ധുക്കൾ സ്വീകരിച്ച് സ്വദേശത്തേക്ക് കൊണ്ടുപോയിരുന്നു. എന്നാൽ ബന്ധുക്കൾ എത്താത്തതിനാല്‍ അജിതയുടെയും അരവിന്ദൻ്റെയും മൃതദേഹം മോർച്ചറിയില്‍ സൂക്ഷിക്കുകയായിരുന്നു.
മാവോയിസ്റ്റ് അജിതയുടെ മൃതദേഹം ഗുരുവായൂരില്‍ പൊലീസ് സംസ്കരിച്ചു
രാവിലെ ഒമ്പതോടെ തൃശ്ശൂര്‍ മെഡിക്കൽ കോളജ് മോർച്ചറിയിൽ നിന്നും പുറത്തെടുത്ത മൃതദേഹത്തിൽ എം.എൻ.രാവുണ്ണി, ഷൈന, ഷാന്‍റോലാൽ, സി.എ. അജിതൻ തുടങ്ങിയവരുടെ നേതൃത്വത്തിൽ പതാക പുതപ്പിച്ചും മുദ്രാവാക്യം വിളിച്ചും അന്ത്യോപചാരമർപ്പിച്ചു.