തെരുവ് നായ ആക്രമണം; ബൈക്കിൽ നിന്ന് വീണ് പരിക്കേറ്റ് ചികിത്സയിലായിരുന്ന വയോധികൻ മരിച്ചു

തെരുവ് നായ് വട്ടം ചാടിയതിനെ തുടർന്ന് ബൈക്കിൽ നിന്നും വീണ് പരിക്കേറ്റ് ചികിത്സയിലായിരുന്ന ചേറ്റുപുഴ സ്വദേശി മുരളിയാണ് മരിച്ചത്.

തൃശൂർ: തൃശൂരിൽ തെരുവ് നായ് വട്ടം ചാടിയതിനെ തുടർന്ന് ബൈക്കിൽ നിന്നും വീണ് പരിക്കേറ്റ് ചികിത്സയിലായിരുന്ന വയോധികൻ മരിച്ചു. ചേറ്റുപുഴ സ്വദേശി മുരളി (66) ആണ് മരിച്ചത്. തൃശൂരിൽ പൂത്തോൾ റോഡിൽ കഴിഞ്ഞ ബുധനാഴ്ച്ചയായിരുന്നു(2-11-2022) അപകടം.

തെരുവ് നായ വട്ടം ചാടിയതിനെ തുടർന്ന് ബ്രേക്ക്‌ ചവിട്ടിയപ്പോൾ നിയന്ത്രണം വിട്ട് റോഡിലേയ്ക്ക് തെറിച്ച് വീഴുകയായിരുന്നു. തൃശൂരിൽ സ്വകാര്യ ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത്.