തൃശൂര്‍: സംസ്ഥാനത്ത് നവംബർ ഇരുപതിന് സ്വകാര്യ ബസുടമകൾ പണിമുടക്ക് പ്രഖ്യാപിച്ചു. ഇന്ധനവില വർധനവ്, റോഡുകളുടെ തകർച്ച എന്നിവയില്‍ പ്രതിഷേധിച്ചാണ് പണിമുടക്ക്. ഈ മാസം ഇരുപതിന് മുമ്പായി സർക്കാരിൽ നിന്നും അനുകൂല തീരുമാനമുണ്ടായില്ലെങ്കിൽ 21 മുതല്‍ അനിശ്ചിതകാല സമരത്തിലേക്ക് നീങ്ങുമെന്നും ബസുടമകൾ വ്യക്തമാക്കി. തൃശൂരിൽ ചേർന്ന സ്വകാര്യ ബസുടമകളുടെ യോഗത്തിലാണ് തീരുമാനം.
സംസ്ഥാനത്ത് സ്വകാര്യ ബസ് സമരം - സ്വകാര്യ ബസുടമകൾ പണിമുടക്ക് പ്രഖ്യാപിച്ചു
ഇന്ധനവില വർധനവിലും റോഡുകളുടെ തകർച്ചയിലും പ്രതിഷേധിച്ചാണ് പണിമുടക്ക്. നവംബര്‍ ഇരുപതിന് സ്വകാര്യ ബസുടമകള്‍ പണിമുടക്ക് പ്രഖ്യാപിച്ചു.
സംസ്ഥാനത്ത് നവംബർ 20ന് സ്വകാര്യ ബസ് സമരം
വിദ്യാർഥികളുടെ എസ്ടി നിരക്ക് വർധിപ്പിക്കണം, കെ.എസ്.ആർ.ടി.സിയിൽ വിദ്യാർഥികൾക്ക് സൗജന്യനിരക്ക് അനുവദിക്കണം എന്നീ ആവശ്യങ്ങളും സമരത്തില്‍ ഉന്നയിക്കും. നവംബർ ഒന്നിന് ദേശീയപാത കുതിരാനിലെ റോഡ് തകർച്ചയിൽ പ്രതിഷേധിച്ച് തൃശൂർ-പാലക്കാട് റോഡിൽ ബസ് സർവീസുകൾ നിര്‍ത്തിവയ്ക്കുന്നതിനും ബസുടമ, തൊഴിലാളി സംഘടനകളുടെ സംയുക്ത യോഗം തീരുമാനിച്ചിട്ടുണ്ട്.