തൃശൂർ : തൃശൂര്‍ ഗവ. മെഡിക്കൽ കോളജിൽ ചികിത്സക്കെത്തിച്ചപ്പോള്‍ രക്ഷപ്പെട്ട വിയ്യൂര്‍ സെന്‍ട്രല്‍ ജയിലിലെ തടവുകാരന്‍ മണിക്കൂറുകള്‍ക്കകം പിടിയിലായി. ഉത്തര്‍പ്രദേശ് സ്വദേശി ഷെഹീന്‍ ആണ് ചാടിപ്പോയി മണിക്കൂറുകൾക്കകം വലയിലായത്. മെഡിക്കൽ കോളജ് പരിസരത്ത് നിന്നാണ് ഇയാള്‍ പിടിയിലായത്.
ആശുപത്രിയിൽ വച്ച് ചാടിപ്പോയി; മണിക്കൂറുകൾക്കകം പിടികൂടി പൊലീസ്
എറണാകുളം ഏലൂര്‍ പൊലീസ് 2021ലാണ് ഇയാളെ പീഡനക്കേസിൽ അറസ്റ്റ് ചെയ്‌തത്. പിന്നീട് വിയ്യൂര്‍ ജയിലിലേക്ക് മാറ്റുകയായിരുന്നു. ശ്വാസകോശ സംബന്ധമായ അസുഖമുണ്ടെന്നും ആശുപത്രിയില്‍ ചികിത്സ തേടണമെന്നും പ്രതി ജയില്‍ ഉദ്യോഗസ്ഥരെ അറിയിക്കുകയായിരുന്നു.