തൃശൂർ : പത്ത് വയസുകാരനെ പീഡിപ്പിച്ച 64കാരന് 95 വര്‍ഷം കഠിന തടവും, നാലേകാല്‍ ലക്ഷം രൂപ പിഴയും ശിക്ഷ വിധിച്ച് കോടതി. തൃശ്ശൂര്‍ മാള പുത്തന്‍ചിറ സ്വദേശി ഹെെദ്രോസിനെയാണ് ചാലക്കുടി പോക്സോ കോടതി ശിക്ഷിച്ചത്. പിഴത്തുക മുഴുവാനായും ഇരയ്ക്ക് നല്‍കാനും ഉത്തരവിലുണ്ട്.
2018ലായിരുന്നു കേസിനാസ്‌പദമായ സംഭവം. കിളികളെ പിടികൂടി മാള പുത്തന്‍ ചിറ പ്രദേശത്ത് വില്‌പന നടത്തി വന്നിരുന്ന ആളാണ് പ്രതി ഹെെദ്രോസ്. പീഡനത്തിനിരയായ പത്ത് വയസുകാരനായ വിദ്യാര്‍ഥി, പ്രതിയില്‍ നിന്നും കിളികളെ വാങ്ങാന്‍ എത്തുക പതിവായിരുന്നു. ഇതിനിടെയാണ് പ്രതി ഹെെദ്രോസ് കുട്ടിയെ ഭീഷണിപ്പെടുത്തി പലതവണ പീഡനത്തിനിരയാക്കിയത്.