തൃശ്ശൂര്‍:യുവാക്കൾ തമ്മിലുണ്ടായ സംഘട്ടനത്തിൽ ഒരാൾ കൊല്ലപ്പെട്ടു. എടത്തിരുത്തി പുളിഞ്ചോട്ടിൽ ശനിയാഴ്‌ച രാത്രിയാണ് സംഭവം നടന്നത്. കൊല്ലാറ സ്വദേശി ഗിജുകുമാറാണ് കൊല്ലപ്പെട്ടത്. സംഘട്ടനത്തില്‍ തലക്ക് പരിക്കേറ്റ നന്തിപുരം സ്വദേശി സുധീഷിനെ കരാഞ്ചിറയിലെ ആശുപത്രിയിൽ പ്രവേശിപ്പിച്ചു. ടൈൽസ് പണിക്കാരനായ സുധീഷും കുടുംബവും രണ്ട് വർഷമായി പുളിഞ്ചോടിലുള്ള ഫ്ലാറ്റിലാണ് താമസം. സുധീഷിന്‍റെ ഭാര്യയോട് ഗിജുകുമാർ അപമര്യാദയായി പെരുമാറിയെന്ന് ആരോപിച്ച് സുധീഷും ഗിജുവും തമ്മിലുണ്ടായ വാക്കേറ്റമാണ് സംഘര്‍ഷത്തില്‍ അവസാനിച്ചത്.
തൃശ്ശൂരിൽ യുവാക്കൾ തമ്മിലുണ്ടായ സംഘട്ടനത്തിൽ ഒരാൾ കൊല്ലപ്പെട്ടു