തൃശൂര്‍:കരുവന്നൂർ ബാങ്കിൽ നിന്ന് വായ്‌പയെടുത്ത ഒരാള്‍ കൂടി ജീവനൊടുക്കി. മാപ്രാണം സ്വദേശി ആലപ്പാടന്‍ ജോസ്(60) ആണ് ആത്മഹത്യ ചെയ്‌തത്. കഴിഞ്ഞ ദിവസം ബാങ്കില്‍ നിന്നും ജപ്‌തി നോട്ടീസ് വന്നിരുന്നു.
കൽപ്പണിക്കാരനായിരുന്ന ജോസ് മകളുടെ വിവാഹ ആവശ്യത്തിനായി നാല് ലക്ഷം രൂപ ബാങ്കില്‍ നിന്നും വായപയെടുത്തിരുന്നു. കഴിഞ്ഞ ദിവസം ബാങ്കിൽ നിന്ന് ജപ്‌തി നോട്ടീസ് വന്നിരുന്നു. ഉടൻ പണം തിരിച്ചടച്ചില്ലെങ്കിൽ ജപ്‌തി നടപടികളുമായി മുന്നോട്ട്‌ പോകുമെന്ന് ബാങ്ക് ജീവനക്കാർ പലതവണ ജോസിനെ ഫോണില്‍ വിളിച്ച് പറഞ്ഞിരുന്നതായും വാര്‍ഡ് കൗണ്‍സിലര്‍ പറഞ്ഞു.