തൃശൂര്‍: നാട്ടികയിൽ ഇതര സംസ്ഥാന തൊഴിലാളിയെ തലയ്ക്കടിച്ചു കൊന്നു. ഒറീസ സ്വദേശി മംഗൾ പ്രധാൻ (35) ആണ് മരിച്ചത്. ഇയാളുടെ ബന്ധുവായ ഒറീസ സ്വദേശി മിഥുൻ പ്രധാൻ എന്നയാളെ സംഭവത്തിന് പിന്നാലെ നാട്ടുകാർ പിടികൂടി പൊലീസിൽ ഏൽപ്പിച്ചു. രാത്രി എട്ടേകാലോടെ നാട്ടിക രാമൻകുളം പടിഞ്ഞാറെ റോഡിൽ വെച്ചാണ് കൊലപാതകം നടന്നത്. ടൈൽസ് പണിക്കാരായ ഇരുവരും മൂന്ന് വർഷമായി നാട്ടിക നമ്പെട്ടി അശോകന്‍റെ വാടക വീട്ടിലാണ് താമസിച്ചു വന്നിരുന്നത്.
നാട്ടികയിൽ ഇതര സംസ്ഥാന തൊഴിലാളിയെ ബന്ധു തലയ്ക്കടിച്ച് കൊന്നു