തൃശൂര്‍: മാപ്രാണം വാലത്ത് രാജന്‍ വധക്കേസില്‍ ഒളിവിലായിരുന്ന രണ്ട് പ്രതികളെ കൂടി പൊലീസ് പിടികൂടി. പറപ്പൂക്കര സ്വദേശി കള്ളായി അനീഷ്, പാഴായി സ്വദേശി കൊപ്പാട്ടില്‍ ഗോകുല്‍ എന്നിവരെയാണ് ഇരിങ്ങാലക്കുട ഡി.വൈ.എസ്.പിയുടെ നിര്‍ദേശപ്രകാരം പ്രത്യേക അന്വേഷണ സംഘം പിടികൂടിയത്. ഒളിവില്‍ കഴിഞ്ഞിരുന്ന പ്രതികള്‍ പാഴായിലുള്ള ഗോകുലിന്‍റെ വീട്ടില്‍ എത്തിയതറിഞ്ഞ് പൊലീസ് സംഘം പിടികൂടുകയായിരുന്നു. പ്രതികളെ മാപ്രാണത്തെ കൊല്ലപ്പെട്ട രാജന്‍റെ വീട്ടില്‍ തെളിവെടുപ്പിന് എത്തിച്ചു. ആക്രമണത്തില്‍കുത്തേറ്റ രാജന്‍റെ മരുമകന്‍ വിനോദ് പ്രതികളെ തിരിച്ചറിഞ്ഞു.
മാപ്രാണം കൊലപാതകം; രണ്ട് പ്രതികൾ കൂടി പിടിയില്‍