തൃശൂർ: ഇരിങ്ങാലക്കുട മനയ്ക്കലപടിയിലുണ്ടായ സ്‌കൂട്ടർ അപകടത്തിൽ യുവാവ് മരിച്ചു. വള്ളിവട്ടം ചിരട്ടകുന്ന് സ്വദേശി വേലപറമ്പിൽ സജീവന്‍റെ മകൻ സജീഷ് (20) ആണ് അപകടത്തിൽ മരിച്ചത്. ഞായറാഴ്ച്ച രാത്രി ഏഴ് മണിയോടെയാണ് അപകടം നടന്നത്. . കോണത്ത്കുന്ന് ഭാഗത്ത് നിന്ന് വരുകയായിരുന്ന സജീഷിന്‍റെ സ്‌കൂട്ടറിൽ എതിരെ വരികയായിരുന്ന ബൈക്ക് ഇടിക്കുകയായിരുന്നു . ഇടിച്ച വാഹനം നിർത്താതെ പോവുകയായിരുന്നു. സജീഷിനെ ഇരിങ്ങാലക്കുട സഹകരണ ആശുപത്രിയിൽ എത്തിച്ചെങ്കില്ലും മരണം സംഭവിക്കുകയായിരുന്നു. ഇരിങ്ങാലക്കുട പൊലീസ് സിസിടിവി ദൃശ്യങ്ങൾ അടക്കം പരിശോധിച്ച് അന്വേഷണം ആരംഭിച്ചിട്ടുണ്ട്.