തൃശൂർ:രണ്ടു പ്രളയത്തിലുമായി തകര്‍ന്നടിഞ്ഞ വീട് ലയന്‍സ് ക്ലബ് പ്രവര്‍ത്തകര്‍ പുനര്‍നിര്‍മിച്ചു നൽകി. കാളമുറി കാഞ്ഞിരപ്പറമ്പ് അമ്പലം റോഡിൽ താമസിക്കുന്ന പാചകത്തൊഴിലാളിയായ വിനീഷിനാണ് ലയന്‍സ് ക്ലബ് പ്രവര്‍ത്തകര്‍ വീട് നിർമിച്ചു നൽകിയത്. മൂന്നു സെന്‍റ് സ്ഥലത്തെ ഓലക്കുടിലിലായിരുന്നു വിനീഷും കുടുംബവും കഴിഞ്ഞിരുന്നത്. ആദ്യ പ്രളയത്തില്‍ ഭാഗികമായി തകര്‍ന്ന കൂര രണ്ടാം പ്രളയത്തില്‍ പൂര്‍ണമായി നശിച്ചു. ഇതേ തുടര്‍ന്ന് വാടക വീട്ടിലേക്ക് താമസം മാറ്റിയ ഇവരുടെ ദയനീയ കഥയറിഞ്ഞ് തൃപ്രയാര്‍ ലയന്‍സ് ക്ലബ് പ്രവര്‍ത്തകര്‍ വീട് നിര്‍മിച്ചു നല്‍കാന്‍ മുന്നോട്ട് വരികയായിരുന്നു. ആറു ലക്ഷം രൂപ ചെലവിട്ടാണ് 450 ചതുരശ്ര അടി വിസ്‌തീര്‍ണമുള്ള വീട് 50 ദിവസം കൊണ്ട് പൂര്‍ത്തീകരിച്ചത്.
പ്രളയത്തിൽ വീട് തകർന്ന കുടുംബത്തിന് കൈത്താങ്ങായി ലയൺസ് ക്ലബ്