തൃശ്ശൂർ കൊരട്ടിയിൽ ചുഴലിക്കാറ്റിൽ വൻ നാശനഷ്‌ടം

ഇന്നലെ രാത്രി 11 മണിയോടെ ആരംഭിച്ച ചുഴലിക്കാറ്റ് പുലർച്ചെ രണ്ട് മണി വരെയാണ് ആഞ്ഞടിച്ചത്.

തൃശ്ശൂർ: ജില്ലയിൽ കൊരട്ടിയിൽ കനത്ത മഴയിലും ചുഴലിക്കാറ്റിലും വ്യാപക നാശനഷ്‌ടം. ഇന്നലെ രാത്രി 11 മണിയോടെ ആരംഭിച്ച ചുഴലിക്കാറ്റ് പുലർച്ചെ രണ്ട് മണി വരെയാണ് ആഞ്ഞടിച്ചത്. മരം കടപുഴകി വീണ് റോഡ് ​ഗതാ​ഗതം തടസപ്പെട്ടു. വെസ്റ്റ് കൊരട്ടി, ചിറങ്ങര, പൊങ്ങം, തിരുമുടിക്കുന്ന് എന്നീ പ്രദേശങ്ങളിലാണ് നാശനഷ്‌ടമുണ്ടായത്.

20 വൈദ്യുതി പോസ്റ്റുകൾ തകരുകയും മരം കടപുഴകുകയും ചെയ്‌തു. വിവിധയിടങ്ങളിൽ വീടിന്‍റെ മുകളിലെ ഷീറ്റുകൾ പറന്നുപോവുകയും പാർക്ക് ചെയ്‌തിരുന്ന ലോറി മറിയുകയും ചെയ്തു.