തൃശൂര്‍ :ഗുരുവായൂര്‍ ക്ഷേത്രത്തിലെ ഉത്സവത്തോടനുബന്ധിച്ച് നടന്ന ആനയോട്ടത്തില്‍ ജേതാവായി കൊമ്പന്‍ രവികൃഷ്‌ണന്‍. ദേവദാസ്, വിഷ്‌ണു എന്നീ ആനകള്‍ രണ്ടും മൂന്നും സ്ഥാനങ്ങള്‍ നേടി. ജോതാവായ ആന സ്വർണ തിടമ്പ് എഴുന്നള്ളിക്കും. ക്ഷേത്രത്തിലെ നാഴിക മണി മൂന്നടിച്ചതോടെയാണ് ചടങ്ങുകള്‍ ആരംഭിച്ചത്.
ഗുരുവായൂര്‍ ക്ഷേത്രത്തിലെ ആനയോട്ടത്തില്‍ ജേതാവായി കൊമ്പന്‍ രവികൃഷ്‌ണന്‍
പാരമ്പര്യ അവകാശികള്‍, പാപ്പാന്‍മാര്‍ക്ക് കുടമണികള്‍ നല്‍കി. പാപ്പാന്മാര്‍ കിഴക്കേനടയിലൂടെ ഓടി മഞ്ജുളാലിന് (ആല്‍മരം) സമീപം നിര്‍ത്തിയ ആനകളെ മണികളണിയിച്ചു. ശശി മാരാര്‍ ശംഖനാദം മുഴക്കിയതോടെയാണ് ഓട്ടമത്സരം ആരംഭിച്ചത്. തുടക്കം മുതൽ ഒടുക്കം വരെ രവികൃഷ്‌ണന്‍ തന്നെയാണ് മുന്നിലുണ്ടായിരുന്നത്.