തൃശൂർ: വടക്കുംനാഥന്‍റെ മുന്നില്‍ ശ്രീനാരായണഗുരു രചിച്ച കുണ്ഡലിനിപ്പാട്ടിന്‍റെ താളത്തില്‍ നർത്തകിമാർ ചുവടുകൾവെച്ചപ്പോൾ അത് ഗിന്നസ് റെക്കോഡായി. ‘ഒരു ജാതി, ഒരു മതം, ഒരു ദൈവം മനുഷ്യന്’ എന്ന സന്ദേശം പ്രചരിപ്പിക്കുന്നതിന്‍റെ ഭാഗമായാണ് തൃശൂർ തേക്കിൻകാട് മൈതാനിയിൽ ' ഏകാത്മകം ' എന്ന പേരില്‍ എസ്.എൻ.ഡി.പി യോഗം മോഹിനിയാട്ടം നൃത്താവിഷ്കാരം സംഘടിപ്പിച്ചത്.
രാജ്യത്തിന്‍റെ വിവിധ ഭാഗങ്ങളിലെ എസ്.എൻ.ഡി.പി യോഗത്തിന്‍റെ 95 യൂണിറ്റുകളില്‍ നിന്നായി 4706 നർത്തകിമാരാണ് മെഗാ മോഹിനിയാട്ടത്തില്‍ പങ്കാളികളായത്. മണികണ്ഠനാൽ മുതൽ തെക്കേഗോപുരനട വരെ നർത്തകിമാർ അണിനിരന്നപ്പോൾ മറ്റൊരു ഗിന്നസ് റെക്കോഡിന് കൂടി തൃശൂർ വേദിയായി.
മോഹവിരുന്നായി ' ഏകാത്മകം'; ഗിന്നസ് റെക്കോഡായി മോഹിനിയാട്ടം