തൃശൂർ:തൃശൂര്‍ ചെന്ത്രാപ്പിന്നിയിൽ വീട്ടില്‍ സൂക്ഷിച്ച 14 കിലോ കഞ്ചാവ് പിടികൂടി. സംഭവവുമായി ബന്ധപ്പെട്ട് രണ്ട് പേരെ പൊലീസ് അറസ്റ്റ് ചെയ്തു. ചെന്ത്രാപ്പിന്നി സ്വദേശികളായ ഡപ്പി എന്ന് വിളിക്കുന്ന അജിത്ത്, പാക്കരൻ എന്ന് വിളിക്കുന്ന അരുൺ എന്നിവരെയാണ് കയ്‌പമംഗലം പൊലീസ് പിടിക്കൂടിയത്. ചെന്ത്രാപ്പിന്നിയിൽ വൻതോതിൽ കഞ്ചാവ് എത്തിയിട്ടുണ്ടെന്ന് രഹസ്യവിവരത്തെ തുടർന്ന് നടത്തിയ അന്വേഷണത്തിലാണ് അജിത്തിന്‍റെ വീട്ടിൽ സൂക്ഷിച്ചിരുന്ന കഞ്ചാവ് പൊലീസ് പിടിച്ചെടുത്തത്. കിടപ്പുമുറിയിലെ കട്ടിലിനടിയിൽ ഏഴ് വലിയ പൊതികളായി ചാക്കിൽ സൂക്ഷിച്ച നിലയിലായിരുന്നു കഞ്ചാവ്.
വീടിനകത്ത് സൂക്ഷിച്ചിരുന്ന 14 കിലോ കഞ്ചാവ് പൊലീസ് പിടികൂടി;രണ്ട് പേർ അറസ്റ്റിൽ