ഗാനഗന്ധര്‍വന് സംഗീതാർച്ചനയൊരുക്കി തൃശൂരിലെ ആരാധകർ​​​​​​​

തൃശൂർ ഗീതം സംഗീതം കലാസാംസ്‌കാരിക വേദിയാണ് കെ. ജെ യേശുദാസിന്‍റെ പിറന്നാളിനോടനുബന്ധിച്ച് തൃശൂര്‍ ടൗണ്‍ ഹാളില്‍ പരിപാടി സംഘടിപ്പിച്ചത്

തൃശൂര്‍:കെ.ജെ യേശുദാസിന്‍റെ എൺപതാം പിറന്നാൾ ദിനത്തിൽ ഗാനാർച്ചനയൊരുക്കി ഗന്ധർവ ഗായകന്‍റെ തൃശൂരിലെ ആരാധകർ. തൃശൂർ ഗീതം സംഗീതം കലാസാംസ്‌കാരിക വേദിയാണ് ഗന്ധർവ സംഗീതം ദാസേട്ടൻ @80 എന്ന പരിപാടി സംഘടിപ്പിച്ചത്. പരിപാടിയില്‍ യേശുദാസ് പാടി അവിസ്മരണീയമാക്കിയ 80 ഗാനങ്ങൾ 80 ഗായകർ ചേർന്നാലപിച്ചു. ചടങ്ങ് സംഗീത സംവിധായകൻ വിദ്യാധരൻ മാസ്റ്റർ ഉദ്ഘാടനം ചെയ്തു. ചടങ്ങിൽ പ്രശസ്ത സംഗീത സംവിധായകൻ ഔസേപ്പച്ചൻ, നടന്‍ ജയരാജ് വാര്യർ, കവി ആലങ്കോട് ലീലാകൃഷ്ണൻ , തുടങ്ങിയവർ പങ്കെടുത്തു.

നിരവധി സംഗീതപ്രേമികളാണ് തൃശൂർ ടൗൺ ഹാളിൽ അണിയിച്ചൊരുക്കിയ സംഗീതാർച്ചനയുടെ ഭാഗമാകാൻ എത്തിയിരുന്നത്. ടൗൺഹാളിനു പുറത്ത്, കെ ജെ യേശുദാസിന്‍റെ സംഗീത ജീവിതത്തെ ആസ്പദമാക്കി കൊണ്ടുള്ള ഫോട്ടോ പ്രദർശനവും ഒരുക്കിയിട്ടുണ്ട് .