തൃശൂർ: തമിഴ്‌നാട്ടുകാർക്ക് മാത്രമായി തൃശൂരില്‍ ബാര്‍ മോഡല്‍ മദ്യവിൽപന നടത്തിവന്ന തമിഴ്‌നാട് സ്വദേശിയെ എക്സെെസ് സംഘം പിടികൂടി. തമിഴ്‌നാട് തിരുവണ്ണാമല മമ്പാട്ടു സ്വദേശി സെൽവം എന്നയാളാണ് തൃശൂര്‍ എക്സെെസ് റേഞ്ചിന്‍റെ പിടിയിലായത്.
തൃശൂര്‍ പടിഞ്ഞാറെ കോട്ടയില്‍ വീട് വാടകയ്‌ക്ക് എടുത്താണ് തമിഴര്‍ക്ക് മദ്യവിൽപന നടത്തിവന്നിരുന്നത്.
തമിഴർക്ക് മാത്രമായി ബാർ മോഡൽ മദ്യവിൽപന; തമിഴ്‌നാട് സ്വദേശി തൃശൂരിൽ പിടിയിൽ
തൃശൂർ റേഞ്ച് എക്സൈസ് ഇൻസ്പെക്‌ടർ ടി.ആർ ഹരിനന്ദന് ലഭിച്ച രഹസ്യ വിവരത്തിന്‍റെ അടിസ്ഥാനത്തില്‍ നടത്തിയ പരിശോധനയിലാണ് പ്രതി പിടിയിലായത്. ഇയാള്‍ പടിഞ്ഞാറെ കോട്ടയിൽ നാല് വർഷമായി വാടകയ്‌ക്ക് താമസിച്ചുവരുന്നു. ഈ വീട്ടില്‍ ദിവസം 50 രൂപ നിരക്കില്‍ തമിഴനാട്ടുകാർക്ക് താമസിക്കാൻ സൗകര്യം നല്‍കിവരുന്നുണ്ട്.