തൃശൂർ: ചാവക്കാട് പുന്നയിൽ കൊല്ലപ്പെട്ട കോൺഗ്രസ് പ്രവർത്തകൻ നൗഷാദിന്‍റെ കൊലപാതക കേസ് സിബിഐക്ക് കൈമാറണമെന്ന് മുന്‍ മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായ ഉമ്മന്‍ചാണ്ടി. ഇതുവരെയും കേസിലെ മുഴുവൻ പ്രതികളേയും പിടികൂടാത്തത് പൊലീസിന് തീരാകളങ്കമാണെന്നും അദ്ദേഹം പറഞ്ഞു. മുഴുവൻ പ്രതികളേയും അറസ്റ്റ് ചെയ്യാത്തതിൽ പ്രതിഷേധിച്ച് ഡിഐജി ഓഫീസിലേക്ക് കോൺഗ്രസ് പ്രവർത്തകർ നടത്തിയ മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ചാവക്കാട് നൗഷാദ് കൊലപാതകം: സിബിഐ അന്വേഷിക്കണമെന്ന് ഉമ്മന്‍ചാണ്ടി