മന്ത്രി എ.സി മൊയ്‌തീന് യൂത്ത് കോണ്‍ഗ്രസ് പ്രവർത്തകരുടെ കരിങ്കൊടി

മന്ത്രി എ.സി മൊയ്‌തീനെതിരെ തൃശൂർ പന്നിത്തടത്ത് വെച്ചാണ് യൂത്ത് കോണ്‍ഗ്രസ് പ്രവര്‍ത്തകരുടെ കരിങ്കൊടി കാണിച്ചത്.

തൃശൂർ: തദ്ദേശ വകുപ്പ് മന്ത്രി എ.സി മൊയ്‌തീനെതിരെ യൂത്ത് കോണ്‍ഗ്രസ് കരിങ്കൊടി കാണിച്ചു. എരുമപ്പെട്ടിയില്‍ സ്‌കൂളിന്‍റെ ഉദ്ഘാടനം കഴിഞ്ഞ് കടവൂരിലെ പരിപാടിയില്‍ പങ്കെടുക്കാന്‍ പോകുന്നതിനിടെയാണ് കരിങ്കൊടി കാണിച്ചത്.

പന്നിത്തടത്തു വെച്ചായിരുന്നു യൂത്ത് കോണ്‍ഗ്രസ് പ്രവര്‍ത്തകരുടെ കരിങ്കൊടി കാണിച്ചുള്ള പ്രതിഷേധ പ്രകടനം. കുന്നംകുളം നിയോജകമണ്ഡലം യൂത്ത് കോണ്‍ഗ്രസ് പ്രസിഡന്‍റ് നിധീഷ് എ.എം, ലിപിന്‍ കെ. മോഹന്‍ എന്നിവരെ പൊലീസ് അറസ്റ്റ് ചെയ്‌തു.