തൃശൂർ :കുന്നംകുളത്ത് യുവതിയെ കാറില്‍ നിന്ന് തള്ളിയിട്ട് കൊലപ്പെടുത്താന്‍ ശ്രമിച്ച യുവാവ് അറസ്റ്റില്‍. പേരകം സ്വദേശി അർഷാദാണ് പിടിയിലായത്. പുലർച്ചെ പെരിയമ്പലം ചെറായി സ്വദേശി പ്രതീക്ഷയെ കാറിൽ നിന്ന് തള്ളിയിട്ട ശേഷം ഇയാള്‍ രക്ഷപ്പെടുകയായിരുന്നു.
ചൊവ്വാഴ്‌ച രാവിലെ ഏഴരയോടെയായിരുന്നു സംഭവം. കാറിന്‍റെ മുൻ ഭാഗത്തെ ഡോറിൽ ഒരു സ്ത്രീ തൂങ്ങിക്കിടക്കുന്നത് കണ്ട് ആളുകൾ ബഹളംവച്ചതോടെ ഇയാള്‍ പ്രതീക്ഷയെ തള്ളിയിട്ട ശേഷം കാർ ഓടിച്ചുപോവുകയായിരുന്നു. അമിത വേഗതയിലായിരുന്ന കാറിൽ നിന്ന് റോഡിൽ തലയിടിച്ചാണ് യുവതി വീണത്.