തൃശൂര്‍: കൂടല്‍മാണിക്യം ക്ഷേത്രത്തില്‍ ഇനിയൊരു അറിയിപ്പ് ഉണ്ടാകുന്നതുവരെ ഭക്തജനങ്ങളെ പ്രവേശിപ്പിക്കില്ലെന്ന് അധികൃതർ അറിയിച്ചു. കൊവിഡ്‌ മുന്‍കരുതലുകളുടെ ഭാഗമായാണ് നടപടി. ദേവസ്വത്തിന്‍റെ 11 കീഴേടങ്ങളിലും ഈ ഉത്തരവ് ബാധകമാണ്. നടപടിയുടെ ഭാഗമായി ക്ഷേത്ര പ്രവര്‍ത്തനങ്ങളിലും നിയന്ത്രണം ഏര്‍പ്പെടുത്തി.
കൂടല്‍മാണിക്യം ക്ഷേത്രത്തില്‍ ഭക്തര്‍ക്ക് പ്രശേന നിയന്ത്രണം - koodalmanikyam temple
കൊവിഡ്‌ വ്യാപനത്തെ തുടര്‍ന്ന് കൂടല്‍മാണിക്യം ക്ഷേത്രത്തില്‍ കര്‍ശന നിയന്ത്രണങ്ങള്‍
കൂടല്‍മാണിക്യം ക്ഷേത്രത്തില്‍ ഭക്തര്‍ക്ക് പ്രശേന നിയന്ത്രണം
ക്ഷേത്രത്തിലെ പൂജകളും മറ്റു ചടങ്ങുകളും പതിവുപോലെ നടക്കും.ക്ഷേത്ര പരിസരത്തും, ആല്‍ത്തറയിലും കൂട്ടം കൂടുന്നത് നിരോധിച്ചതായും അധികൃതര്‍ അറിയിച്ചു. അതേസമയം ക്ഷേത്രത്തിലെ ആചാരാനുഷ്ഠാനങ്ങള്‍ നടക്കും. രാവിലെ 6:15 എതൃത്ത് പൂജയും തുടര്‍ന്ന് ഉച്ചപൂജയും നടക്കും. രാവിലെ രാവിലെ 9 മണിയോടെ നടയടക്കും.
വൈകുന്നേരം 5 മണിക്ക് നടതുറന്ന് പൂജകള്‍ക്ക് ശേഷം രാത്രി 7:30 ന് നടയടക്കും. 50 ശതമാനം ജീവനക്കാര്‍ ഒന്നിടവിട്ട ദിവസങ്ങളില്‍ ജോലിക്കെത്താനും നിര്‍ദേശം നല്‍കി. വഴിപാട് കൗണ്ടറുകള്‍ പ്രവര്‍ത്തിക്കില്ല.ദേവസ്വം ഓഫീസ് തുറന്ന് പ്രവര്‍ത്തിക്കും. ഉത്സവത്തിന്‍റെ ഒരുക്കങ്ങള്‍ നടന്ന് വരുന്നതായും ഉത്സവ ആഘോഷങ്ങള്‍ മാറ്റുന്ന കാര്യം ചര്‍ച്ച ചെയ്‌തിട്ടില്ലെന്നും ദേവസ്വം ചെയര്‍മാന്‍ യു. പ്രദീപ് മേനോന്‍ പറഞ്ഞു.