തൃശൂർ: പുസ്തകങ്ങൾ വായനാദിനത്തിലേക്ക് ഒതുങ്ങുന്ന പുതിയ കാലത്ത് കുട്ടികളെ വായനയുടെ ലോകത്തേക്ക് കൈപിടിച്ചു നടത്തുകയാണ് തൃശ്ശൂര്‍ ജില്ലയിലെ അമ്മാടം സെന്‍റ് ആന്‍റണീസ് എച്ച് .എസ്.എസ്. ഇക്കഴിഞ്ഞ വായനാദിനത്തില്‍ 'അക്ഷരസാഗരം' എന്ന പേരില്‍ വിദ്യാലയത്തില്‍ ആരംഭിച്ച മുഴുവര്‍ഷ വായനാ പദ്ധതിയാണ് വായനയുടെ വസന്തം തീർക്കുന്നത്. ഓരോ ക്ലാസുകാരുടേയും ഓരോ പീരീയഡ് വായനക്കായി ക്രമീകരിക്കുകയാണ് ആദ്യംചെയ്തത്. അഞ്ചാം തരം മുതല്‍ പത്താം തരം വരെയുള്ള എല്ലാ വിദ്യാര്‍ഥികളും വായനാപദ്ധതിയുടെ ഭാഗമാണ്. അക്ഷരസാഗരം എന്ന പേരില്‍ സ്കൂളിൽ കുട്ടികൾക്ക് വായന ഇടവും ഒരുക്കി.
വായനയിലൂടെ വളരാൻ അമ്മാടം സ്‌കൂളിന്‍റെ 'അക്ഷരസാഗരം' പദ്ധതി