തിരുവനന്തപുരം:പാലോട് പെരിങ്ങമലയിൽ യുവതി കുത്തേറ്റ് മരിച്ച നിലയിൽ. പറങ്കിമാം വിള നൗഫർ മൻസിൽ നാസില ബീഗം (42) ആണ് മരിച്ചത്. ഭർത്താവ് അബ്ദുൽ റഹീമിനെ കാണാനില്ല. സംഭവം കൊലപാതകമാണെന്നാണ് പ്രാഥമിക നിഗമനം.
കൊലപാതക കാരണം വ്യക്തമല്ല. നാസിലയുടെ കുടുംബ വീട്ടിലാണ് സംഭവം നടന്നത്. ഇന്ന് രാവിലെ ഏഴ്‌ മണിയോടെ മുറിയുടെ കതക് തുറന്ന് നേക്കിയ യുവതിയുടെ ഉമ്മയാണ് സംഭവം കണ്ടത്. തുടര്‍ന്ന് നാട്ടുകാരെയും ഇവര്‍ പാലോട് പൊലീസിലും വിവരം അറിയിക്കുകയായിരുന്നു.