തിരുവനന്തപുരം: വിഴിഞ്ഞത്ത് മത്സ്യത്തൊഴിലാളികളുടെ ആശങ്ക അകറ്റുന്നതിനായി ആരംഭിച്ച മണൽ നീക്കം തുടരുന്നു. മീൻപിടിത്ത തുറമുഖത്തിലെ അഴിമുഖത്തെ മണലാണ് നീക്കം ചെയ്യുന്നത്. വിഴിഞ്ഞം അന്താരാഷ്‌ട്ര തുറമുഖ കമ്പനിയുടെ നേതൃത്വത്തിൽ അത്യാധുനിക സാങ്കേതിക സംവിധാനം ഉപയോഗിച്ചാണ് പ്രവൃത്തി. കൂറ്റൻ ബാർജ്, മണ്ണ് നീക്കം ചെയ്യാനുളള നീളമുളള ബൂം ഉൾപ്പെട്ട വലിയ എസ്‌കവേറ്റർ, മറ്റ് അനുബന്ധ യന്ത്രങ്ങൾ, ടഗ്ഗുകൾ, സാങ്കേതിക സംഘം എന്നിവ വിന്യസിച്ചാണ് വ്യാഴാഴ്‌ച മുതൽ മണൽ നീക്കി തുടങ്ങിയത്.
വിഴിഞ്ഞത്ത് മണൽ നീക്കം
മത്സ്യത്തൊഴിലാളികളുടെ പരാതി
അഴിമുഖത്ത് അടിഞ്ഞുകിടക്കുന്ന മണൽ അപകടം സൃഷ്‌ടിക്കുന്നതായി മത്സ്യത്തൊഴിലാളികള്‍ അധികൃതരെ അറിയിച്ചിരുന്നു. മണൽത്തിട്ട കാരണം കടലിലേക്ക് വന്നുപോകുന്ന വളളങ്ങൾ തിരയിൽപ്പെട്ട് അപകടമുണ്ടാകുന്നുവെന്നായിരുന്നു തൊഴിലാളികളുടെ പരാതി. ഇതിനെ തുടർന്നാണ് മണൽ നീക്കം ആരംഭിച്ചത്.