തിരുവനന്തപുരം: വിഴിഞ്ഞത്ത് യുവാവിനെ മര്‍ദ്ദിച്ച കേസില്‍ പ്രതിയെ വിമാനത്താവളത്തില്‍ നിന്നും പിടികൂടി. പാച്ചല്ലൂരില്‍ വാടകയ്‌ക്ക് താമസിക്കുന്ന സുരേന്ദ്രനെ (36) ആണ്‌ തിരുവല്ലം പൊലീസ് പിടികൂടിയത്.
ഡിസംബര്‍ 26ന്‌ വൈകുന്നേരം 5.30 ഓടെ വീട്ടുമുറ്റത്ത് കുട്ടികളുമൊത്തിരുന്ന പാച്ചല്ലൂര്‍ സ്വദേശി ശിവപ്രസാദിനെ പ്രതി ഇരുമ്പ് പൈപ്പും ബിയര്‍ കുപ്പിയും ഉപയോഗിച്ച് മര്‍ദ്ദിച്ചുവെന്നാണ് പരാതി. ശിവപ്രസാദിന് തലയ്‌ക്കും കാലിനും ഗുരുതരമായി പരിക്കേറ്റിരുന്നു. മുന്‍ വൈരാഗ്യമാണ് ആക്രമണത്തിന് കാരണമെന്നാണ് പൊലീസ് വിലയിരുത്തല്‍.