തിരുവനന്തപുരം: പി.ആര്‍.ഡിയിലെ ഓഡിയോ വീഡിയോ ഓഫിസര്‍ ജി.വിനോദ് കുമാര്‍ കൈകൂലി വാങ്ങുന്നതിനിടെ വിജിലൻസ് പിടിയില്‍. സര്‍ക്കാര്‍ തുക പാസാക്കി കൊടുക്കുന്നതിന് സ്വകാര്യ സ്ഥാപനമായ മ-മെഗാ മീഡിയയില്‍ നിന്നും 25000 രൂപ അനധികൃത പ്രതിഫലം പറ്റുന്നതിനിടയിലാണ് ഇയാള്‍ വലയിലായത്.
തിരുവനന്തപുരം മെഡിക്കല്‍ കോളജിനു സമീപത്ത് കാറില്‍ വച്ച് കൈക്കൂലി വാങ്ങുന്നതിനിടെയാണ് വിജിലന്‍സ് സംഘം ഇയാളെ അറസ്റ്റ് ചെയ്തത്. സംസ്ഥാന സര്‍ക്കാരിന്‍റെ കീഴിലെ ഓണ്‍ലൈന്‍ വീഡിയോ പ്രോഗ്രാമുകള്‍ കൈകാര്യം ചെയ്യുന്ന ഉദ്യോഗസ്ഥനാണ് വിനോദ് കുമാര്‍.