തിരുവനന്തപുരം: വിജയദശമി നാളില്‍ തിരുവനന്തപുരം ഐരാണിമുട്ടം തുഞ്ചന്‍ സ്‌മാരകത്തില്‍ ആദ്യക്ഷരം കുറിക്കാനെത്തിയത് ആയിരത്തോളം കുരുന്നുകള്‍. എഴുത്ത്, സംഗീതം, നൃത്തം, ചിത്രകല എന്നിവയിലാണ് ഐരാണിമുട്ടം തുഞ്ചന്‍ സ്‌മാരകത്തില്‍ വിദ്യാരംഭം നടന്നത്. ഡോ. ടി.ജി രാമചന്ദ്രന്‍ പിള്ള, എസ്. ശ്രീനിവാസ് ഐ.എ.എസ്, മലയില്‍കീഴ് ഗോപാലകൃഷ്‌ണന്‍, ആറ്റുകാല്‍ ടി.കെ ദാമോദരന്‍ നമ്പൂതിരി എന്നിവര്‍ ആദ്യക്ഷരം പകര്‍ന്നു. ചിത്രകലയില്‍ പ്രൊഫ. കാട്ടൂര്‍ നാരായണ പിള്ളയും സംഗീതത്തില്‍ കല്ലറ ഗോപന്‍, പ്രൊഫ. പി. സുശീല ദേവി എന്നിവരും വിദ്യാരംഭത്തിന് നേതൃത്വം നല്‍കി. നഗരത്തിലെ വിവിധ ക്ഷേത്രങ്ങളിലും വിദ്യാരംഭം നടന്നു.
ഐരാണിമുട്ടം തുഞ്ചന്‍ സ്‌മാരകത്തില്‍ ആദ്യക്ഷരം കുറിച്ച് കുരുന്നുകൾ