തിരുവനന്തപുരം: വെഞ്ഞാറമൂട് ഇരട്ടക്കൊലക്കേസിന്‍റെ അന്വേഷണ ചുമതലയില്‍ നിന്ന് തിരുവനന്തപുരം റൂറല്‍ എസ്.പിയെ മാറ്റണമെന്ന് പ്രതിപക്ഷ നേതാവ് രമേശ് ചെന്നിത്തല. റൂറല്‍ എസ്.പി അന്വേഷിച്ചാല്‍ സത്യം പുറത്തു വരില്ല. നേരിട്ട് ഐ.പി.എസ് ലഭിച്ച ഉദ്യോഗസ്ഥരോ സി.ബി.ഐയോ കേസ് അന്വേഷിക്കണം. വെഞ്ഞാറമൂട്ടിലേത് രാഷ്ട്രീയ കൊലപാതകമല്ല. രണ്ട് സംഘങ്ങള്‍ തമ്മിലുള്ള കുടിപ്പകയാണ് കൊലപാതകത്തില്‍ കലാശിച്ചത്. സംഭവം നടന്നതിന്‍റെ തൊട്ടടുത്ത ദിവസം രാവിലെ ഇത് രാഷ്ട്രീയ കൊലപാതകമാണെന്ന് റൂറല്‍ എസ്.പിക്ക് എവിടെ നിന്നാണ് വിവരം ലഭിച്ചതെന്നും ചെന്നിത്തല ചോദിച്ചു.
കേസില്‍ അടൂര്‍ പ്രകാശിനെ വലിച്ചിഴയ്ക്കാനുള്ള ശ്രമം വിലപ്പോകില്ലെന്നും പ്രതിപക്ഷ നേതാവ് രമേശ് ചെന്നിത്തല.