ആര്യക്കെതിരായ മുരളിയുടെ അധിക്ഷേപം : സാഹചര്യം പരിശോധിച്ച് പ്രതികരിക്കാമെന്ന് വി.ഡി.സതീശന്‍

സ്ത്രീവിരുദ്ധ പരാമര്‍ശങ്ങളും നടപടികളും പാടില്ലെന്നതാണ് യുഡിഎഫ് നിലപാടെന്ന് വി.ഡി.സതീശന്‍

തിരുവനന്തപുരം : മേയര്‍ ആര്യ രാജേന്ദ്രനെതിരായ കെ.മുരളീധരന്‍ എം.പിയുടെ വിവാദ പരാമര്‍ശം ഏത് സാഹചര്യത്തിലെന്ന് പരിശോധിച്ച ശേഷം പ്രതികരിക്കാമെന്ന് പ്രതിപക്ഷ നേതാവ് വി.ഡി.സതീശന്‍. ഇക്കാര്യം സംബന്ധിച്ച് മുരളീധരനുമായി സംസാരിക്കും.

മാധ്യമ വാര്‍ത്തകള്‍ മാത്രമാണ് ഇപ്പോള്‍ ശ്രദ്ധയില്‍പ്പെട്ടത്. സത്രീവിരുദ്ധ പരാമര്‍ശങ്ങളും നടപടികളും പാടില്ലെന്നതാണ് യുഡിഎഫ് നിലപാടെന്നും വി.ഡി.സതീശന്‍ പറഞ്ഞു.

നികുതിവെട്ടിപ്പിൽ പ്രതിഷേധിച്ച് കോർപ്പറേഷൻ ഓഫിസിന് മുന്നിൽ കോണ്‍ഗ്രസ് നടത്തിയ പ്രതിഷേധത്തിനിടെയാണ് കെ.മുരളീധരൻ മേയർക്കെതിരെ വിവാദ പരാമർശം നടത്തിയത്.

ആര്യ രാജേന്ദ്രനെ കാണാൻ ഭംഗിയുണ്ടെങ്കിലും വായിൽ നിന്ന് വരുന്നത് ഭരണിപ്പാട്ടിനേക്കാൾ ഭീകരമായ വാക്കുകളാണെന്നായിരുന്നു മുരളീധരന്‍റെ ആക്ഷേപം.