തിരുവനന്തപുരം: തരം പോലെ വർഗീയത പറയുന്ന നോവൽ കഥാപാത്രമായ പാഷാണം വർക്കിയെ പോലെയാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്‌ണനെന്ന് പ്രതിപക്ഷ നേതാവ് വി.ഡി.സതീശൻ. മൂന്നാംകിട വർത്തമാനമാണ് കോടിയേരി പറയുന്നത്. ചരിത്രത്തിൽ ഇതുവരെ ഒരു നേതാവും ഇത്തരത്തിൽ പച്ചയ്ക്ക് വർഗീയത പറഞ്ഞിട്ടില്ല.
കോൺഗ്രസിനെ വിമർശിക്കുന്നതിന് മുമ്പ് സിപിഎം സ്വന്തം കണ്ണാടി നോക്കണം. ആരൊക്കെയാണ് അവരുടെ നേതാക്കൾ എന്ന് നോക്കണം. അത് നോക്കിയിട്ട് മറ്റ് പാർട്ടിയെ ചികിത്സിച്ചാൽ മതി. വർഗീയത പറയാൻ മുഖ്യമന്ത്രിയുമായി കോടിയേരി മത്സരിക്കുകയാണ്.
വിഡി സതീശൻ
ഇതാണോ കേരളത്തിൽ ഇപ്പോൾ ചർച്ച ചെയ്യേണ്ടതെന്ന് ആലോചിക്കണം. കൊവിഡ് കാലത്ത് വർഗീയത പറഞ്ഞ് നടക്കുകയാണ്. ഇതല്ല കേരളത്തിന് ആവശ്യം. വർഗീയ കക്ഷികളേക്കാൾ വർഗീയതയാണ് സിപിഎം പറയുന്നത്.