തിരുവനന്തപുരം : പാമ്പുപിടിത്തത്തില്‍ നിന്ന് പിന്‍മാറാന്‍ ഉദ്ദേശിക്കുന്നില്ലെന്നും മരണം വരെ അത് തുടരുമെന്നും പാമ്പ് കടിയേറ്റ് അപകട നിലയിലായി ജീവിതത്തിലേക്ക് തിരികെയെത്തിയ വാവ സുരേഷ്. പാമ്പുപിടിത്തം കൊണ്ടുമാത്രമാണ് ജനങ്ങള്‍ എന്നെ സ്‌നേഹിക്കുന്നത്. പാമ്പ് പിടിക്കുന്ന തന്‍റെ ശൈലി ശരിയല്ലെന്ന് സാമൂഹിക മാധ്യമങ്ങളിലുയരുന്ന വിമര്‍ശനങ്ങളെ സ്വാഗതം ചെയ്യുന്നുവെന്നും വാവ സുരേഷ് ഇടിവി ഭാരതിനോട് പറഞ്ഞു.
കൂലിപ്പണിക്കാരനായ തനിക്ക് എന്ത് സ്റ്റൈല്‍? തന്‍റെ സ്റ്റൈല്‍ ശരിയല്ലെന്ന് വിമര്‍ശിക്കുന്നവര്‍ പാമ്പ് പിടിക്കുന്നതിന്‍റെയും കടിയേല്‍ക്കുന്നതിന്‍റെയും വീഡിയോ തന്‍റെ കയ്യിലുണ്ട്. അത് ചാനലുകള്‍ ആവശ്യപ്പെട്ടാല്‍ കൈമാറാന്‍ തയാറാണെന്നും വാവ സുരേഷ് പറഞ്ഞു.
'പാമ്പുപിടിത്തം മരണം വരെ തുടരും, തനിക്ക് പ്രത്യേക സ്റ്റൈലില്ല'; വിമർശനങ്ങളെ സ്വാഗതം ചെയ്യുന്നുവെന്ന് വാവ സുരേഷ്