തിരുവനന്തപുരം:വട്ടിയൂർക്കാവിലെ യുഡിഎഫ് സ്ഥാനാർഥി വീണ എസ്. നായരുടെ പ്രചാരണ പോസ്റ്ററുകൾ ആക്രിക്കടയിൽ കണ്ടെത്തിയ സംഭവം ഗുരുതരമായ അച്ചടക്കലംഘനമെന്ന് കെപിസിസി പ്രസിഡന്‍റ് മുല്ലപ്പള്ളി രാമചന്ദ്രൻ. സംഭവത്തെക്കുറിച്ച് അന്വേഷിക്കാൻ കെപിസിസി മൂന്നംഗ സമിതിയെ നിയോഗിച്ചു. അട്ടിമറി ശ്രമം ഉണ്ടായിട്ടുണ്ടോയെന്ന് ജോൺസൺ എബ്രഹാം അധ്യക്ഷനായ കമ്മിറ്റി പരിശോധിക്കും. വട്ടിയൂർക്കാവ് ഉപതിരഞ്ഞെടുപ്പിൽ അട്ടിമറിശ്രമം നടന്നതായി ആരോപണം ഉയർന്ന പശ്ചാത്തലത്തിലാണ് ഇത് സംബന്ധിച്ച് വിശദ അന്വേഷണത്തിന് സമിതിയെ നിയോഗിച്ചത്. റിപ്പോർട്ട് കിട്ടിയ ശേഷം തുടര്‍നടപടിയെന്നും മുല്ലപ്പള്ളി രാമചന്ദ്രൻ പറഞ്ഞു.
വീണയുടെ പോസ്റ്ററുകൾ ആക്രിക്കടയിൽ : അന്വേഷണത്തിന് മൂന്നംഗ സമിതി
കൂടുതൽ വായനയ്‌ക്ക്:വട്ടിയൂർക്കാവ് യുഡിഎഫ് സ്ഥാനാര്‍ഥി വീണയുടെ ഉപയോഗിക്കാത്ത പോസ്റ്ററുകൾ ആക്രിക്കടയില്‍